| تبليغات | X |
|
هلی تتی
|
||
|
شعر |
سه شعر از فرشاد احمدی
1.
ته چش ته سيكار و
مه دل پُم بنزين
تشّه دم بدائی، بهيمه كلين!...
2.
ته اونور گوشّه بهير
دنيا ره دماسيم
تجن او بديم
3.
مه ره شصتير دوندن دست نهيرمه
دلبر ته خنه ی كت كته په ره
ته باغ سرخ سه ره .
فرشاد احمدی
تل
په بیتی روسری ره تل بزویی
مه ره ته تهمت باطل بزویی
بهیتی شهریون پیته چو ره
مه ایمون دله کپل بزویی
زنده یاد بهرام روشن - بهشهر
دل پئی
شیپور زنده تلا
ـ تموم بونه راه ـ
چشمک زنده روجا
ـ انه مه دلخواه ـ
خسّه ٬ خسّه ٬ خسّه
دل خنّه تو تو
زمونه دوسّه مه دسّ و لینگه
تفنگچی بزو تیر اسپه کوتر ره
ته ره صدا زمبه
بالا بلندی !
چکوم زنده میچکا
خرنه خرمندی
روجا مار بورده
خرشید بزوئه ته
نمویی جان یار
مه دل دره په .
محمود رستمی (م.بیشه سری)
لال
اگه لال بوّم و دست هائیرم شیش
کمینتا راه مه ره یارنه ته سرپیش
ته بئی درون و بوّی بفرمه
اون گدر هسّه که گپ امبه ته پیش .
مهران نوری
هلی تتی
هنوز دره سرد و سوز
هنوز دره لاک تله و ورف روز
هلی تتی ، هول هایتی
هنوز دره بچائن پیرزنا
هنوز دره عید شوی گرم لا
هلی تتی ، هول هایتی
مهران نوری اسفند ۸۵
|
خبری برای تبری دوستان